Un dato ao seu favor:
http://www.lavanguardia.es/lv24h/20080215/53436601743.html

Dito isto, a enquisa do CIS meréceme bastante menos credibilidade que a de, por exemplo, Público, que por certo está feita pola empresa galega Obradoiro de Socioloxía, e que acho que é a que anda máis perto da realidade. E iso que lle falo dun medio connotado, abertamente favorábel ao PSOE de ZP.

Con todo, penso que ese e outros datos -baixa valoración de Rajoy, partido que nunca votaría, o recordo de voto desinchado…- impiden claramente un bo resultado do PP. Mais a cuestión crucial está en se o PSOE vai ser quen de mobilizar á maior parte do electorado de hai 4 anos.

Eu coido que unha boa parte dese voto do 2004, non o vai conseguir, con toda certeza -abstención tradicional, voto útil de centro-esquerda nas nacións sen Estado-. E a outra parte -voto desideoloxizado, de “centro”, de clases populares receptivas a estes recentes discursos populistas e parafascistas-, ou de novos ricos subidos ao carro do “socialismo do ladrillo” nos últimos anos- pinta ben complicada. Veremos.

O que me sorprendeu foi que ao final haxa debate. Para min iso significa que o PP está moi moi mal. Non teñen nada que perder. Quizá Zapatero si. Ao mellor só vemos un dos dous previstos.

Os inquéritos nom som mais do que parte da estratégia de campanha (dos partidos e dos média afins). Podo estar errado, mas cuido lembrar a situaçom nas eleiçons anteriores às comentadas mais arriba, as da chegada do PP ao poder. Lembro um inquérito de El País no que se dava maioria absoluta ao PP, e lembro o “cabreo” de Aznar. O PP nom queria que o seu eleitorado se confiasse e desmobilizasse, o PSOE necesitava mobilizar ao seu (e atraer outros) e a estratégia era o medo a umha maioria absoluta da direita.

Batalhas aparte, eu diria que o PSOE vai repetir maioria simples porque:
- A (estrema) direita está mobilizada mas nom abondo unida (nas eleiçons coas que chegou o PP ao governo do Estado cuido lembrar que nom se apresentaram as Falanges, Carlistas, DN e demais candidaturas à direita do PP), o que lhe garante um bom resultado, mas nom mais (o voto de centro e de poder nom irá co PP)
- Esta mobilizaçom da direita tensiona a esquerda, o que garante umha boa participaçom do eleitorado do PSOE e favorece o “voto útil” a este partido.
- Contodo, a mobilizaçom da esquerda cara o PSOE duvido que poda superar umha situaçom excepcional como foi a das passadas Gerais. A situaçom de BNG, IU e diria que Chunta (nom sei doutros) nom semelha a melhor das suas respectivas histórias, polo que podem recuperar parte dos seus votantes, mas outros irám à abstençom, nulo ou branco.

Nom deixa de ser certo que a cagada de Cuatro pode ter um impacto importante no eleitorado, ao entender que se pretende manipular(condicionar o seu comportamento.

Lembra vostede que, no fragor do 15-M ou 16-M, José Blanco dixo que eles tiñan enquisas que lles daban eses resultados unha semana antes? Todos pensamos que as eleccións de 2004 supuxeron un trafego masivo de votos (punto 4 da súa hipótese) pero quizais o único que supuxeron é unha maior participación. Por outra parte, se iso fose así, as enquisas estarían dando unha recuperación do voto BNG/IU/Chunta/PA/ERC, e insinúan máis ben o contrario. Ben é verdade que as circunstancias duns e doutros son distintas, pero se se produciu unha concentración do voto da esquerda en 2004 e agora estivese a producirse unha desconcentración, terían que verse indicios dalgún tipo, non?

Non quero arriscar demasiado porque me conformo coa cea, pero eu diría que imos estar ben máis preto de 1982 ca de 2000. E non só pola cor.

(e Manolo Gago, de quen facemos publicidade, non ten nada que dicir?)