Realmente penso que Mariza nos malcriou. Penso que se espera dos fadistas a enerxía de Mariza. Penso que non se fala dos músicos, que son extremadamente bos.

Penso que foros dúas horas de espectáculo do máis alto nivel. Penso que sobrou o bailarín. Penso que andamos mal acostumados con isto de pagar por un bó espectáculo. Penso que non se valora o traballo dos artistas porque está todo subvencionado (isto é unha añadidura case publicitaria).

Penso en tres cantantes na Galiza que se acheguen a estos artistas lusos, e non atopo comparacións dignas.

Penso que Portugal e Galiza están de costas. Penso que Galiza segue sendo España para Portugal.

Penso que Carlos do Carmo manexa o escenario e o público coma ninguén.

Penso que Mariza ten unha presenza física e vocal que me pon a pel de galiña.

Gustoume ver o respeto e a atención de Mariza con Carlos do Carmo.

Camané sae perdendo nas comparacións, pero sen micro demostrou que é un gran cantante. Penso que está sobrevalorado. Penso que se está pondo nel unhas espectativas que non son as súas. Aínda así penso que canta moi ben. E penso que o outro día faltáballe emoción.

As tres cordas estiveron realmente compenetradas. A guitarra portuguesa realmente responde aos cantantes, xoga coas melodías, canta realmente. As violas acompañaron de maneira soberbia. Brillaron con luz propia sen restarlle protagonismo aos cantantes. Realmente difícil e realmente virtuoso.

É posible que me emocionara máis noutros concertos de Mariza. É posible que outros concertos estiveran máis redondos. Pero é totalmente certo que no concerto do outro día demostraron a grande calidade que posúen.

Díganme un cantante galego que estea a esta altura. Ogallá tivésemos unha soa voz que se achegara minimamente na Galiza.