Na liña de flotación
O capitán de Galiza e a súa tripulación acaban de volver pór en evidencia a súa carencia de proxecto de Nau, a falta de respecto que estes xentilhomes merecen nas tabernas de Madrid e Cádiz, e o feito de que ningún armador, estaleiro ou banqueiro aceptaría o seu aval e o seu creto para lles construir unha dorna sequera.
Comezan os habitantes da praza a se decatar dos cambios periódicos de rumo -van á deriva e ao garete, tornan a rota en derrota-, da falta clamorosa de leme e de temonel, da brétema perenne que arrastran baixo o sombreiro e que non lles deixa ver o horizonte, da estulticia que lles impide ler correctamente as cartas de navegación e empregar como é debido o sextante sentido. Até as cadeas das galeras soan máis a liberdade.
A decisión de onte na Corte é un torpedo á liña de flotación da Nau. E tamén un aviso a navegantes: ou estades co Virrei porque a Monarquía é un seguro refuxio ou cómpre comezardes a plantexarvos outras singraduras e percurar outras bandeiras de comenencia, a filibusteira ou a corsaria.
As últimas novas de Palacio falan de que non hai esperanza dun motín a bordo. É tristemente famosa a escola destes capitáns trépidos. Non hai honor. Nin dignidade. Antes veremos aboiar os restos do naufraxio.
O meu novo Vieiros
Xa ía na hora. E como Vieros pide opinións e suxestións, vou dar o meu parecer sobre a nova páxina. Coido que é xusto, despois de ter criticado nalgunha ocasión a súa falta de actualización e a ¿aparente? perda relativa de audiencia. Descoñezo os aspectos internos do traballo da redacción de Vieiros e o seu sistema de publicación, aínda que podo intuír algúns (non sei se atinadamente).
De entrada o concepto xeral gústame moito. Porén, e aínda que seguro que é froito do brainstorming de varias persoas e pasou a proba do delphi de varios expertos, acho que sería moi conveniente que o deseño fose sometido de algunha maneira ás valoracións e usos de moitas persoas máis, a un test. Eu fago as seguintes consideracións, que espero acheguen luz ou novas posibilidades sobre o que xa é visíbel para todo o mundo:
ASTANO: PSdeG, franquicia de Madrid
Esta é unha segunda versión dunha anotación anterior titulada Onde está o ministro de economía de ZP? A SEPI e o seu presidente dependen do Ministerio de Economía de Pedro Solbes, de quen non se soubo absolutamente nada en todo este vergoñante proceso, máis preocupado seguramente en arranxar a OPA de e-ON sobre ENDESA.
En pouco menos de 5 Km a Ría de Ferrol é o escenario dos dous escándalos de política económica máis graves deste País. Un deles é o caso de ASTANO (Navantia). Tras a proposta de retomar para a construción naval civil unhas instalacións históricas, uns investimentos millonarios e un sector produtivo estratéxico en alza no mercado munidal, apareceron os vendidos, os traidores, os renegados. Isto é un resumo do que aconteceu no último mes:
Música livre: Fausto
Pensamento, crítica e criação.
Déjà-vu
As Encrobas 30 anos despois. A Coruña sen Vázquez 28 anos despois. A aldraxe do Estatuto 27 anos despois. O desmantelamento do sector naval 25 anos despois. O Beiras rendendo unha Asemblea do Bloque 21 anos despois. O PP na oposición 20 anos despois…
Tan pouco teñen mudado as cousas neste tempo? Ou será unha sensación exclusiva dos que temos menos de 45 anos e no seu día non puidemos votar nin o Estatuto nin a Constitución?
Anacos do pasado
Música libre: Nordestin@s
Unha saída é a ventá do nordés.
