Calidonia

Veño de ter unha conversa realmente produtiva a través de tres medios diferentes: correo electrónico, mensaxería instantánea e telefonía móbil. Unha cousa cada vez máis cotiá.

Froito do rebumbio de ideas tiven un par de revelacións ao máis puro estilo Albert Pla-en-Airbag.

A primeira consiste nunha tipoloxización das poboacións blogueiras galegas, e consta dos seguintes termos:

Anel 0: BloGALiZa. Como o seu propio nome indica, o conxunto de blogs e blogueir@s reunidos nesta comunidade virtual/real, a inmensa maioría escritos en galego, independentemente da norma ortográfica que empregan. En rigor poderíamos definir dúas Blogalizas, unha transacional e outra estrita, vindo dada a diferenza polo feito de ter aloxado o blog no propio servidor da Blogaliza ou non.

Anel 1: BlogoMILlo (beta). Con permiso dos seus artífices o concepto foi rebaptizado para abranguer a todos os blogs que algunha vez recolleron algunha anotación en lingua galega. Por aquilo do Mil primaveras máis para a lingua e os 1000 e pico de blogs que fun recompilando -un pico cada vez máis grande-.

Anel 2 (por facer, a que esperades?): BloG-ESfera . Termo que consideramos atinado para referirnos ao conxunto de blogs escritos por galegos, desde Galiza ou desde fóra dela, pero excusivamente en lingua castelán.

A segunda revelación refírese á configuración da páxina da Blogaliza, tanto no seu aspecto visual como no de contidos. Coido que a delimitación anterior, máis formal que real pode ser válida para debater como organizala.

Non estaría de máis botar un ollo a algún dos estudos que hai feitos, acerca de como as persoas vemos e lemos unha páxina web.

Para evitar acumulación de información daríalle cabida a algún filtro colaborativo de contidos como o das noticias máis votadas nas últimas 24 horas, que implementa chuza!, de xeito que a páxina teña accesíbe non só moita información senón tamén interesante e relevante, visíbel nun piscar de ollo.

E non estaría mal ir barallando, aínda que sexa para a carteira de proxectos futuros, o tema do multimedia. Portais emblemáticos nisto das redes sociais como o Friendster xa incorporan a música ao xeito de Last.fm ou MusicStrands. Iso serviría para fidelizar aos cada vez máis novos navegantes do mundo blog.

E blogo que?

Etiquetas: Blogs, Blogaliza, Blogomillo, Galego

Esta anotación publicouse o Martes 25 de Abril de 2006 ás 8.47 pm e arquivouse en bloGaliZa, blogMillo, blogoESfera, blogorrolo, rede. Podes seguir os comentarios desta anotación a través do fluxo RSS 2.0. Podes deixar un comentario, ou deixar un rastro desde o teu propio sitio web.