Calidonia

Hai nas bibliotecas milleiros e milleiros de vellas publicacións que ninguén nunca le.

Hai enciclopedias que falan de revistas publicadas non sei cando que nunca leron máis dunhas ducias de persoas.

Os blogues son lidos -vistos e ouvidos- por moita máis xente e apenas se lles presta maís atención do que unha novidade tecnolóxica ou unha curiosidade sociolóxica.

Aquí hai unha ruptura.

E hai quen aínda non se decatou dela.

Un profesor da Universidad de Zaragoza solicitou o ISSN para o seu blog, e foille negado. Non é a primeira vez que ocorre: ten pasado noutros países.

A frustración levou a outros blogueiros a impulsar esta páxina e a crear un código de identificación de blos: o IBSN, Internet Blog Serial Number.

É unha iniciativa que vén de nacer e que non sabemos que éxito terá nin se chegará a popularizarse. Mais, por se acaso e no entanto, merece a nosa atención.

Comento isto en pro da equiparación dunha publicación electrónica con unha real.

Velaquí, por tanto, o meu código:

0-cal-idon-ia

Esta anotación publicouse o Sábado 11 de Febreiro de 2006 ás 11.02 am e arquivouse en denuncia, media, rede. Podes seguir os comentarios desta anotación a través do fluxo RSS 2.0. Podes deixar un comentario, ou deixar un rastro desde o teu propio sitio web.