Transpirada na canción de Bono / U2
Como a terra precisa o mar
Como a cidade o despertar
Coma o luar o solpór
Lua de Falcón
Necesito o teu amor
Coma un vinilo de Piazzola
Como as ponlas do cereixeiro
Como a música da harpa
Coma o vento
Necesito o teu amor
Como a túa compaña
ou fuxir contigo
Coma o café de pota
Coma o viño
Preciso o teu amor
Como a nosa pele
necesita rozar a mediana
Coma o que non se amaña
necesita caña
Necesito o teu amor
Coma o rio quer pontes
Como a língua mestres
Como a nación en cerne
Como a semente
Necesito o teu amor
Coma o contrabando de herba
Coma os furtivos a ameixa
Como unha chúvia de estrelas
Coma o camiño as pedras
Como unha compra unha venda
Coma o vento nas velas
Coma un muro cen fendas
Como a Natureza
Coma o lume unha faísca
Como a verdade unha mentira
Eu necesito o teu amor
Esta anotación publicouse o Luns 7 de Marzo de 2005 ás 7.20 pm e arquivouse en lingua, musica, poesia. Podes seguir os comentarios desta anotación a través do fluxo RSS 2.0. Podes deixar un comentario, ou deixar un rastro desde o teu propio sitio web.
