Sou un pirata
irmán da costa
corsário da composición
filibusteiro aliterado
versado no litoral das palabras
na beleza das profundidades
ancorado
curtido en mil batallas
coa razón do corazón
e o sabor do pecado
ventureiro das ondas sou
na procura dunha abordaxe
à tua beira
A Xosé María Pérez Parallé
(in memoriam)
Hei unha amiga
na beiramar das ostreiras
Subila hei a respirarmos
a noitiña das fervenzas.
Hei unha amada
no horizonte das chorimas
Baixala hei a bebermos
a alborada de entrerrías.
Sei dunha verea
que vai do monte á praia.
Aí dei comigo un día.
Aí vos erguín a morada.
Os vellos quixeron abrir un hotel a carón do vello estaleiro. Investiron os aforros da vida e a cousa non saíu ben.
Ao principio o luminoso era o máis grande da volta. E o mais vistoso, colocado acima do tellado. Cada letra era coma un home de alto.
Pero ao pouco de abrir un temporal deitou o […]
A.D. sentou do lado de dous homes pretos que non pareceron notar a presenza daquel home branco con anteollos que viña de entrar no local.
A.D. pediu un zumo no mesmo intre en que tres músicos subían á tarima perante a indiferenza da clientela. O pianista era o máis vello deles, a xulgar polo cabelo branco […]
Transpirada na canción de Bono / U2
Como a terra precisa o mar
Como a cidade o despertar
Coma o luar o solpór
Lua de Falcón
Necesito o teu amor
Coma un vinilo de Piazzola
Como as ponlas do cereixeiro
Como a música da harpa
Coma o vento
Necesito o teu amor
Como a túa compaña
ou fuxir contigo
Coma o café de pota
Coma o viño
Preciso o teu […]
Ei! Isto non imita á Paris-Texas, nin é unha parodia dun Celta-Deportivo, nin un traxecto Santiago-Ourense Empalme. Tamén non ten a ver coa AN-PG nin con Ponte-Cesures. E á xentiña da VA-CA coñézoa só de bebedeiras.
Isto é simplemente un lugar para dar saída aos brinquedos dunha mente inquieta que comeza a vivir unha vida estábel. […]
